Ulah Chai Jual Labu Binjai

Strip kartun tu dikena kitai mulaika ke pengingat ngagai ulah sekeda ari kitai mensia.Maya agi mit suba suah amai sida ke tuai ngasuh bala anembiak ngereja pengawa tu.Sida iya gali pangka garing munyi ku jaku kelaung,sepeneka ati ngasuh kitai ka agi mit."Igat,uji kalihka dek tv nya neh," ku sida ngulun kitai.Laban ka bisi ngembuan ati manchal,dia suah ninga sida ka diasuh nyaut,"bakani ka ngalihka tv nya?Ukai ulih peda sepiak nyin.Wayar bisi mih.Nama ka meda wayar pia?".Ninga saut munyinya sida ka ngasuhnya lalu lanchat tunjuk jari ngejuk ka pala."nya mih dek,ngemelik ke orang tuai,"ku iya ga nganu kitai.Kelimpah ari nya mega,maya jeman aku agi sekula 'peremeri'(primary school) ku dilah kitai Iban nyebut,kami sebilik nadai tv.Sigi enda enggau bebelika tv.Kebuah pia laban pengidup mayanya agi merinsa.Karan nadai mayanya.Bedau tama ngagai menua kami.Ai paip perintah sigi jauh di mata nya.Maya nya suba kira urung taun 90'an,sigi empai bisi pemansang menua kami.Jalai alun sigi bisi tang semina jalai tanah mirah begulai enggau tekang batu mesai dekuan.Enti ampuh bah,ayan magang batu ba jalai.Sema jaku ulih endur ngansah mata duku.Tanah luchak laban ai enda ibuh kira enda latak magang tanah.Selipar Jipun sigi putus tali kategal lekat ba tanah.
Nyadi pulai ngagai jerita pasal tv nya tadi,kami sebilik mayanya mega nadai injin api(generator).Padam mata panas di kaki langit,belabuh mih betungkunka api kelita ngena minyak gas(gasolin).Makai malam sigi tumu bala kami sebilik laban ngira pemetang malam.Pukul 6.30 belabuh nengkira ngambika tumu ga belelak berandau sebelah ruai seraya ningaka jerita Pengingat Tuai ti disadaka Thomas Tegong Laka ba radio Iban.Jenuh sekayu rumah enda ngira tikas umur,telenga lilih ninga nyawa Thomas.Udah ambis jerita Pengingat Tuai,nya baru bala anembiak(bala kami) angkat ngiga pemerindang bukai.Maya nya suba,orang ka bisi tv sigi dilawa,tama ngagai bilik sida lalu duduk tang ukai sebarang duduk.Tama aja alu dicas 0.20 sen.Sepemanjai jerita tv nya,sigi enda pansut laban enggaika dicas baru 0.20 sen enti tama ke dua kali.Ka kemi,biar ditatka mih sampai jerita ba tv ambis.Pama endar sida ka bisi tv maya nya,nemu ngecas.Enti ngira pekara nya diatu kapa aku nya!Diatu enda alah peda tv,temarung aja sebelah pak rumah.Iya jai,jai.Iya manah,manah.
Semua utai ka disebut aku ba atas nya endang gaya pengidup bedau bisi pemansang ba menua kami.Diatu,menua kami udah bisi diberi perintah karan enggau ai paip lalu nya siti ari inusr ka paling manah.Taja pan bakanya,rumah panjai kami udah angus diempa api tengan bulan Lima taun 2009 enda silap aku.Maya nya,aku nadai dia laban diau di menua Kapit bejalaika pengawa.Nyadi semua memori diau ba rumah panjai pemadu tuai udah lus diempa api,iya ke tinggal semina buah kenang aja.Nadai agi pengingat meda tv bebayar 0.20 sen.Nadai agi pengingat orang tuai ngasuh ngalihka tv ngagai sepiak.Nadai.Semina tunggul pengingat ti udah bebali nyadi tunggul.Diatu palan rumah panjai nya dikumbai temawai.Bedigir dampa kami serumah nisi tengah laman rumah panjai,sentara nganti gaga rumah panjai baru.
Pelaba aku,udah kelalu jauh buah pengingat ti dibantaika ditu.Nya mih,bepun ari strip kartun Chai Juai Labu Binjai,nyau enda berasai ga telanjur naip buah kenang diri empu.Nyangka pengingat lama nya siti ari pemanis dalam idup kitai mensia,nya kebuah kitai nyau enda berasai.Naka tu dulu mih,ila nyambung baru.

Fenomena Tahun 2011 Sebedau tahun 2012

Fenomena paling baru datai nuntung ba ujung tahun 2011 tu iya menua kitai balat bendar bakal kena ampuh bah tauka banjir.Tu mih penusah ti balat bendar dikirau kitai kelimpah ari karam di darat baka angus sekayu rumah panjai.Enti kelia jeman maya pikir bedau tebuka,orang tuai suah ngumbai enti menua balat bakal laban pengudi hari,nya dikumbai menua kudi bisi orang ngaga pengawa ti enda menuku.Jeman diatu,teorinya enti ulih dikena laban kitai mensia udah bisi teknologi dikena ngabas kebuah hari tau kudi.Maya agi mit suba,enti meda neraja di kaki langit,orang tuai ngumbai utai nya ular besai tauka naga besai.Kitai enda disagi nunjuk neraja ngena tunjuk enggai ke tunjuk jari bingkuk.Ngena penemu sains,diatu kitai nemu nama utai dikumbai neraja(pelangi) serta bakani neraja tau nyadi lalu bisi ngembuan tujuh bagi chura;bakanya mega hari kudi ti ngemai ribut enggau ujan.Empai lama udah ampuh bah,dia kitai tekenyit baru meda serta ninga rita jalai alun ba Serian bisi tusur ditabanka ai bah.Naka pemalat jalai alun menua Serian nya tusur.Baka kitai meda jerita World Of The World,tanah merekah enda ulih ditengah kerita enggau entuka.Dunya kitai udah kelalu tuai.Tuai laban ulah mensia ti enggai ngetu-ngetu ngeraja pengawa ari macam sukut,sosial,ekonomi enggau politik.Engka amai ga jaku sida tuai kelia lebuh maya pengarap lama agi tebal dikembuan sida.Berunding mih kitai ari diatu nama pekara ti deka nuntung kitai dalam tahun ti deka datai.2012.Mupuk dulu aku wai,ila nampung baru.Anang leju ngelawa blog aku au...

Cerita komik bala Chai Jual Labu Binjai

looking for the job!!!

huh...menempuhi hari2x yg sama, menunggu mana mana pangilan dr company untuk temuduga..mmg susahh....
masa blajar tunggu masa nak tamat, tetapi masa dah tamat tunggu masa nak mencari kerja....begitu sukar tuk mencari kerja di daerah miri ini....

banyak yg sudah ku pergi, tapi macam semuanya sia- sia sahaja....nampak macam mudah tapi ianya begitu sukar tuk ku harungi....masa2x yg ada ku habiskan dengan melakukan semua kerja yg tak berfaedah....huhu....masih menghitung hari...:-(

welcome 2012 and goodbye 2011

welcome 2012 and goodbye 2011..all the best in this new year...hope everything goes well...